Tempo di lettura:38 Secondi
di Milian Racca
Ant ël lun-es ëd l’Angel a l’ha lassane Papa Fransesch, ël Papa argentin originari ‘d Portacomé, aramba a Ast.
Fransesch a l’era n’òm gropà a soe reis subalpin-e, e a savìa parlé an nòsta lenga mare. Bin soens a parlava ‘d sò Piemont e a mensionava la fiamenga poesia ‘d Nino Costa , Rassa Nostran-a, cola ‘n sij piemontèis ch’a van a travajé a l’ester
Ma dzoratut a l’è stait n’òm spiritual, n’òm ëd fej, che fin a l’ultim a l’ha invocà la pas e a l’ha parlà ‘d lòta contra le imparità.
I sper che sò message ‘d pas e boneur a restërà ant l’anim ëd tuit e pa mach sarà ‘ndrinta “na tomba patanua spersa ant un campossanto forësté”
+ There are no comments
Add yours