0
0
di Milian Racca
La siatriss sudtirolèisa e ladin-a Nicol Delago a l’è staita carià d’insult ansìma ai social network mach përché dòp na vitòria a l’è “përmettusse” ‘d parlé publicament an soa lenga genìta: ël ladin.
Ij social belavans a son populà tavòta ‘d pì da ‘d “lion da tastiera” che ‘l pì dle vòte a son tant fòj e ideòlogisà. D’ideòlogie da bar.
A lor-sì a-j da da scapiné pr’esempi senti n’albanèis parlé soa lenga o un mussulman parlé an arab, opurament un ladin o un piemontèis esprimisse an soa lenga genita.
D’altrond ant l’epoca dij social e dl’artorn ëd mòda ‘d certe ideologie scarose dël passà (rosse e neire, populiste e sovraniste) a-i é pa da stupisse che l’unica lenga acetà a sia cola “statal”…. visadì cola d’un gris organism politich-ministrativ ( l’ëstat)
I veui esprimi tuta mia personal solidarietà a madamin Nicol Delago, con l’auspissi ‘d senti dcò belessì da noi sël teritòri subalpin sempe ‘d pì person-e parlé an nòste lenghe genite (ch’i parloma dai secoj ‘d mes ,coma ‘l piemontèis, l’ossitan e ‘l franch-provensal).
E viva la Delago, E tòpa la diversità coltural e lenghistica
+ There are no comments
Add yours