0
0
di Vittoria Minetti
La companìa “IJ trensema” a van anans a porté ‘n gir soa ùltima comedia “Chi ch’a la
veul cheuita…chi ch’a la veul cruva”.
Quisnè a l’é stàita na data ‘d pì che andvinà përchè l’acoliensa dël sìndich, ëd la prò
loco e ij batiman ëd tut ël pùblich present a l’han ëslargaje ‘l cheur.
Un boncheur da sotligné da part ëd j’organizator: a l’han daje sin-a a tuti j’ator, na
bela targa-arcòrd ëd la manifestassion scrita ant la parlada ‘d Quisnè e un cavagnin
pien ëd galuparìe dël pòst con sò pèis.
Quisnè a l’é un pais motoben davzin a nòsta companìa, ëd pì che davzin as peul disse
parent ëd nòsta companìa përchè ij doi ator pì cit a son j’anvod dël sìndich, fieuj ëd
sò fieul, cola bela fija ch’a pòrta anans la part ëd Sòfy a l’é Ombretta, un-a dle doe
nòre dël sìndich e fija ‘d cola ch’a l’ha la part ëd la mare ‘d tuti che, dël sìndich a l’é
“consuocera”.
A roa a l’é staie lë spetàcol a Lusiè con na sala pien-a ‘d pùblich e ‘d batiman che,
sovens, a l’han fërmà j’ator.
An costa ocasion ij Trensema a l’han recità për beneficensa për deje na man a cola
pòvra gent ch’a l’ha subì n’inondassion devastanta.
Apress a lë spetàcol, j’organizator a l’han ofrije la sin-a a tuta la companìa.
Vittoria Minetti
+ There are no comments
Add yours