0
0
di Milian Racca
An ocasion dël convegn “Il vitigno Erbaluce incontra il Carnevale di Ivrea”, ch’a l’ha avù leu saba 20 ëd gené, ël consijé regional leghista Gianluca Gavazza a l’ha fait na “proposission” për valorisé ij teritòri ch’a s’a fussa nen na boutade a farìa franch grigné ij givo
I sper franch ch’a sia la sòlita sparada ‘d “bassa Lega”, a le quaj i soma già costumà.
An sostansa Gavazza a l’ha proponù ‘d cambié la denominassion milinaria dla sità d’Ivreja (an toscan Ivrea; Eporedia e Iporedia, anticament) an “Ivrea Canavese”, e dcò Caluso scond chiel a duvria ciamesse “Caluso Canavese”. I torno a dì, i sper franch ch’a sia na boutade, i veuj nen chërdi che cheidun a pensa për dabon ch’ a basta na ròba parej për valorisé nòsti teritòri.
E peui pensé ampò , alora i duvrìo cambié tuit ij nòm genit dij nòsti vilage e sità? Pr’esempi Ël Mondvì (literalment il monte di Vico) com i lo ciamoma? “Mondovì Monregalese”? e Salbertrand? Salbertrand ValleSusa? E Vinaj? Vinadio Valle Stura di Demonte? Vinadio Valli Occitane?
Ma për piasì! A l’òsto ste ròbe-sì a le ciamrìo “paròle veuide”. Ma a l’òsto a-i stan pro le paròle veuide, dai cacam pa vaire!
+ There are no comments
Add yours