0
0
di Milian Giaco Racca
A l’òsto Cantone di Mezzo a Muscian (aramba a Biela) a l’ha avù leu saba passà 8 ëd giugn la Festa dël Piemont organisà da la frelansa Badia Piemont.
La festa st’ann-sì a l’era dedicà ai 600 ani dël Drapò, l’istòrica bandiera ‘d nòsta heimat.
L’event a l’è ancaminà a 5 ore ‘d dòp-mesdì con la conferensa ‘d Fabrissi Girà Giraud ch’a l’ha parlà dla soa esperiensa ‘nt ij grup dij figurant e dle rievocassion istòriche, an contand d’anedòct vreman galup e fòravia.
Peui a 8 ore la sin-a convivial piemontèisa con ij piat tipich ‘d nòsta tradission enogastronòmica. E tanta bela musica nostrenga con Carlo Pansa (organet) e Luciano Conforti (viola)
A j’era na patela ‘d gent com tavòta a le feste e inissiative dla Badia (un grup d’assion identitaria ch’a svantaja con orgheuj nòsta identità genìta), stavòta pi del sòlit anche përché 600 ani dël Drapò a capito nen pròpre tuti ij dì….
+ There are no comments
Add yours