Festa dl’eva a Lusiè (in lingua piemontese)

Visite: 278
0 0
Condividi con
Tempo di lettura:2 Minuti, 44 Secondi

di Vittoria Minetti

A l’é stàita l’edission ch’a fa dódes la “Festa dell’acqua” ëd Lusié. Un pòst ëd pì che
ambinà përchè lë score dl’Eva d’Or (l’Orco) a l’ambrassa pròpi mach a doi pass. Tre
di ‘d festa da vënner 24 a saba 26 ëd magg, sgnora ‘d manifestassion con la
partecipassion ëd le pro-loco dj’anviron, ël grup “Tacabanda” ch’a pòrta anans la
tradission dij baj ossitan e provensaj, tanti banchèt con minca sòrt ëd ròbe e tanta
alegrìa ch’a l’é spantiasse për tut ël pais, a l’é sarasse dumìnica ëd sèira prima ant ël
pavajon gastronòmich peuj con ij feu artifissiaj.
Sicheugn a l’é ‘n paisòt a doi pass da Lusiè, Osegna e San Giòrs, a tre da Flèt, a quatr
da Rivareul e a singh da Ajè. A l’é piassà ant ël bel mes dël Canavèis guarnì tut atorn
da ‘n verd che mach nojàutri canavzan i l’oma ‘l boneur d’avèj.
An sta cita bombonera ‘d pais, pen-a intrà an via Castegna, a mancin-a, as ancontra
l’Ippogrifo Club, un pcit centro ch’a-j mosta a le masnà a fé ij primi pass ant ël mond
dij cavaj. Ël pivò a l’é Manuela, con tute le carte ‘n régola për porté anans n’atività
me costa da pì ‘d ving agn. A l’é dotorasse ma a l’ha sempe avù ij cavaj ant ël cheur
e, ëd costa passion, a l’ha fane soa profession. Sò pont ëd fòrsa a l’é, anans ëd tut la
sicurëssa për le masnà e ël rispet për le bestie. A basto dontrè lession për vëdde coj
masnajòt àut doi sòld ‘d toma sota a col èlm ch’a-j fà smijé ‘d bolé, ch’a comando ij
cavalin con vos, man e pe.
Dumìnica 26 ëd magg, la Comun-a ‘d Lusiè a l’ha ciamaje a l’Ippogrifo ‘d porté ij
pony an ocasion ëd la “Festa dell’acqua” për feje fé ai cit ël batésim dël caval.
Ant ël dòp disné a-i era na coa ch’a frisìa ent ël mentre ch’a spetava sò moment për
monté dzora e sente col frisson ëd piasì che mach lë sté setà ‘dzora a na sela a peul
dé. Quajdun a l’avìa tëmma e a l’é contentasse ‘d carësseje ‘l muso.
Dalmata, a së s-ciama parèj mersì a sò mantel (ij pluch dël caval a së s-ciamo parèj)
ch’a-j ësmija a col dij can ëd “La carica dei 101” e Milly, na neiròta motoben
grassiosa a son ëstàite tut ël di a disposission për porté a spass desen-e ‘d masnà, un
apress a l’àutr, con tuta la passiensa necessaria.
La Comun-a ‘d Lusiè a l’ha daje a disposission a l’Ippogrifo un bel pòst lontan dal
fracass dël mërcà për deje la possibilità ‘d travajé sensa deje fastidi a gnun e fé amusé
le masnà che, an tuta sicurëssa, a j’ero compagnà da na fija o ‘n fieul a fianch ch’a-j
tënnìa la brila al cavalin.
Na vòlta l’andé a caval a l’era considerà na còsa da sgnor…da blagheur, për boneur,
al di d’ancheuj l’opinion a l’é cambià e a l’é dventà në spòrt për tuti.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Condividi con

Ti potrebbero interessare

Articolo dello stesso autore

+ There are no comments

Add yours