di Vittoria Minetti

Jer, 3 dë dzember al Centro Congressi “Martinetti ‘d Castlamont” Flavio Pieranni e Beppe
Valperga, doi autor motoben avosà a l’han presentà doi lìber.
Flavio Pieranni, cheur granata da cand ch’a l’ha duvertà j’euj a l’ha portà “ÓNDES
GRAND CONTRA TUTI” (UNDICI GRANDI CONTRO TUTTI), soa ùltima euvra ch’a
conta gòj e sagrin ch’a l’ha vivù soa squadra dël cheur për rivé a lë scudèt dël 1975-76
apress vintesèt agn da la dësgrassia ‘d Superga.
Coma ch’as peul vëdde già dal tìtol ël lìber a l’é scrit an doe lenghe, italian e piemontèis
con la tradussion curà da Vitòria Minèt. Con “MACH ËL DESTIN A L’HA PODUJE
FËRMÉ” e “FAUSTO, UN SEGN ËDZORA A DOE ROVE” a l’é col ch’a fà tre dla ca
editris Bradipolibri curà da Luca Turolla e soa fomna Elena Oberto presentà ai letor an doe
lenghe.
“LEGGENDE DEL CANAVESE” ëd Beppe Valperga, un tìtol ch’a dis già tut. A parla ëd
fàule e legende ch’a rivo dzortut da la gent sempia, dal pòpol. A spantia ‘ndrinta a ‘n mond
ëd faje, masche, dragon, mascon, spìrit folèt, elf e tuti ij përsonagi che ij grand a fasìo
arvive ant le conte dle vijà ant stale, ùnich pòst càud ëd la ca da invern. La pì part ëd la
gent a chërd ch’a fusso stòrie fàite ‘d por ch’as contavo ant un pàira d’ore për peui arpijé
ant la neuit la stra vers ca, magara sota la fiòca, con un frèid ch’a passava j’òss, anvlupà
ant le mantlin-e.
Beppe Valperga a contradiss ësta manera ‘d pensé përchè le vijà a j’ero ‘dcò fàite ‘d conte
piasose, alégre, ëd legende amusante con ëd rèis lontan-e ant ël temp, canson e, nen da
ràir, as finìa con mangé e bèive na vòlta tuti ‘nsema.
I nego nen che, con la contenta dl’autor, am piaserìa passelo an piemontèis.

Massimo Iaretti

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %