
San Giorgio Canavese: Réplica ‘d dumìnica 12 ëd fërvé
di Vittoria Minetti
A venta ch’i comensa mia ciaciarada ciamandje scusa a n’atris, Eva Beruatto, ch’a l’é la
prima vira ch’a récita con ij Trensema. Ant l’artìcol ch’i l’hai fàit l’àutra vira i son
dësmentiame ‘d nominela bele che ant le veste dla “madamërla” con soa Camilla (la
cagna) a l’abia portà anans na part motoben grignosa për ël pùblich ma malfé për chila
përchè Camilla, anans ëd monté sël palch, a tirava me na danà rabland Eva tut andova ch’a
vorìa chila.
A part ësto preàmbul dumìnica ij Trensema a l’han replicà con un teatro torna pien e un
pùblich càud e carià ch’a l’é col ch’a cissa j’ator con le rijade e ij batiman.
Bele che la companìa a sia formà da vàire pensionà, apress a scasi tre agn ëd pàusa a l’é
nen ëstàit bel fé torna comensé ‘dcò përchè la combrìcola a l’é dventà sgnora mersì a fije e
fieuj giovo, minca un con sò impegn ëd travaj o dë scòla e a venta trové ‘l moment për
fiché un càpol ëd temp da dediché a le preuve con tuta la dificoltà d’amprende le part an
piemontèis. Ij giovo oramai a parlo tuti italian.
La stòria a l’é un turbij ‘d situassion dròle ch’a fà da specc a la vita ‘d tuti ij di e a bolversa
la pas ëd na cobia ëd na certa età che, con un disné dël di ‘d Pasca, a spera d’artrové la
serenità ‘d cand ch’a j’era tuti ij fieuj antëcà.
Nòsta companìa a travaja scasi sempe con na trama còmica ma nen sensa moral e, a-i é nen
manca ‘d dilo, la stòria a l’ha sempe un final piasos.
Bin bin agradìa a l’é stàita la vìsita d’un regista ver ch’a l’ha comentà lë spetàcol positiv
tutun dandne dij consèj për rangé quàich magagna.
Articoli correlati:
Nessun articolo
Altri articoli
Agliè, perchè il piemontese è una lingua e non un dialetto (articolo in lingua piemontese=
di Vittoria Minetti A l’é ‘n pontel motoben piasos ma, sensa gaveje gnente a gnun mi i lo ciamerìa parèj:“Giornata...
Montanaro, inaugurato il restauro del campanile
E' stata una due giorni ricca di eventi, quella organizzata dal Comune di Montanaro con il sostegno del Consiglio regionale...
Il mondo dell’arte di Guido Michelone: conferenza il 23 al Museo Leone di Vercelli
Giovedì 23 marzo il Museo Leone di Vercelli propone una conferenza del professor Guido Michelone dal titolo “Il mondo dell’arte....
Biella, da Caino (Brescia) una delegazione con la ‘pietra della memoria’
Il progetto di realizzazione del selciato della memoria sostenuto dal Comune di Biella e promossodal Circolo Culturale Sardo “Su Nuraghe”...
I vizi d’arte di Ugo Nespolo
di Guido Michelone Ugo Nespolo è fra gli artisti piemontesi oggi più famosi e apprezzati nel mondo intero. Intellettuale poliedrico,...
Burolo, la ‘Banda’ musicale dei paesi un patrimonio della tradizione
di Franco Cominetto, sindaco di Burolo Dopo aver ascoltato un vecchio brano eseguito dalla banda di un Paese, il mio...