0
0
Oramai già da ‘n pes as discut dl’idoneità dij sit a ospité ‘l Depòsit Nuclear Nassional.
La gent a l’è motobin sagrinà e a l’ha por d’artrovesse un “Mostro” parej a le pòrte ‘d cà. An contratendensa a cost seticism ël mer ëd Trin Daniele Pane, a veul drissura presenté l’autocandidatura dël sò comun, bele che ‘s comun a l’è manch ant la lista dij leu idònei.
S’inissiativa ‘d Pan a l’ha scatenà dun-a ‘d polemiche e ciacòt. La gent dël pòst a l’è divisa, tanti a son arvirasse, e già dij comun lì ‘nt j’anviron a l’han manifestà soa contrarietà.
Tra costi dcò ‘l comun ëd Vilamireu: an efet cheich dì fa ël grup consijar autonomista Progetto Villamiroglio Mpp a l’ha deposità an comun na mossion ch’a angagia ‘l sindich e la giunta comunal a oponisse a autocandidature për ospité la mnis radioattiva.
Ël prim firmatari dë sta mossion, Emiliano Racca, a l’avìa già colaborà doi ani fa a la redassion d’un comunicà dal titol emblematich “No ad un sito per i rifiuti radioattivi: il Piemonte ha già dato”, ch’a l’era surtì an vaire gasëtte locaj (6 ‘d gené 2021). E d’altrond ël Piemont a l’ha già pagà un pressi tròp àut con jë stabiliment dl’Eternit a Casal, l’Amiantifera a Balangé, la Sentral nuclear e l’atoal depòsit ëd Salugia. Aura a toca a j’àutri dé sò contribut “për j’anteressi dla patria”
Redazione
+ There are no comments
Add yours