Un Papa piemontèis
di Vittoria Minetti
Papa Cichin a l’é stàit bon a deje ‘l savor ëd na vìsita d’un paisan ch’a riva da lë strangé
apress a tanti agn e a va a trové ij sò parent a Portacomé. Un cortege ‘d viture pompose,
un-a pì gròssa che l’àutra, polissia e carabigné daspërtut, tanta gent ch’as ëspija a
ghëmmonà për vëdde mej, la banda ch’a va anans a soné antramentre che ‘l magìster a
gava nen j’euj da la part d’andova ch’a dev riveje la vitura, cola giusta, cola ch’a pòrta ʼl
Papa. An mes a tuta sta pompa, sensa che scasi gnun a-j fasa cas, a-i riva na sinchsent
bianca dla Fiat, nen cita ma gnanca gròssa con na mania bianca ch’a spòrz dal finestrin e
na man ch’a saluta e a benediss tuta la gent ch’a l’é lì a spetelo da vàire ore.
Bele che chiel a sia già nassù an Argentin-a, ij sò a j’ero restà tacà a le tradission ëd soa
tèra e a son stàit bon a pianté ʼndrinta a chiel cole rèis piemontèise ch’a sëcco mai.
Cand ch’a l’é intrà an cola ca ùmila, ëd tuti ij di, con sò baston ch’a lo giutava a marcé a
l’era pì nen ël Papa ma un cusin ch’a rivava da Roma për saluté, magara për l’ùltima vira,
coj parent pien d’orgheuj për esse ʼmparentà con chiel. Portacomé a l’é an Italia tant me
Roma ma con tuti ij badò ch’a l’ha sle spale sto pòvr’òm vestì ‘d bianch, Roma a peul
ësmijé ʼncora pì lontan-a ʼd Buenos Aires.
N’ambrass ës-ciass, doi basin con soa cusin-a, veciòta ʼdcò chila, la tàula bin prontà sël
mantil, ël pì bel dël fardel e, për chiel, ël pòst ch’a conta ʼd pì: cap tàula.
Ël dòp disnà a sarà passà ‘n pressa, tròp an pressa; a ven da ciamesse se a sto sant’òm a
sarìa nen piasuje fërmesse ancora lì a ciaciaré, respiré për quàich ora l’aria ‘d famija, conté
e sente conté ʼd còse veje… ma chiel a peul nen fé coma ch’a veul, chiel a l’é gnanca
padron ëd sò temp.
Chiel a l’é Papa Cichin, nòstr Papa piemontèis.
Articoli correlati
Nessuna foto correlata.
Altri articoli
Vittorio Mazza (Partito Popolare del Nord): “Torniamo alla politica con i piedi per terra”
da Vittorio Mazza, commissario per la Liguria ed il Piemonte del Partito Popolare del Nord riceviamo e pubblichiamo: La campagna...
Guido Michelone e il Jazz Day Unesco a Vercelli
Su tutto il Pianeta, in circa 180 Paesi, ogni anno si festeggia, grosso modo dal 30 aprile al 6 maggio,...
Visti o Rivisti per voi: ‘Io Capitano’ 7 David di Donatello per il film di Garrone
di Parizia Monzeglio Non facile assegnare le statuette del ‘David di Donatello 2024’ ai film che avevano avuto lenomination. Tanti...
Crescentino, terminato ‘Adotta uno scrittore’ con adesione del Calamandrei
2 Maggio si è concluso il progetto “Adotta uno scrittore”, promosso dal Salone Internazionale del Libro di Torino, che ha...
Letti o Riletti per voi: ‘Temporale’, frammenti di vita nelle tavole di Andrea Ferraris
di Patrizia Monzeglio Non è un romanzo, è un graphic novel. Non è una storia, è il racconto di frammenti...
Verrua Savoia, rievocazione storica alla fortezza
di Julien Coggiola Sabato 29 e domenica 30 aprile nella fortezza di Verrua Savoia si e' svolta come da tradizione...