Barone, Giornata Piemontese (in lingua)
Tempo di lettura:1 Minuti, 28 Secondi
di Vittoria Minetti
Ëdcò st’ann-sì, saba 13 d’avril, a l’é tenusse a Baron la “Giornata Piemontese”.
A l’ha duvertà ij travaj la companìa “Lo Zodiaco” ‘d Caluso con la canson “Maria
Gioan-a” për peui andé anans con la froja ‘d Davide Motto che, ansema a tuta la
companìa a l’ha presentà “Cantastorie Canavesani”.
Rosanna Vigliocco e sò grup ëd bal a l’han presentà na “Rassegna di balli
piemontesi” compagnà da la fisa ‘d Leonardo Rous.
Nen sensa antrap përchè a n’ariessìo nen a fé parte ‘l filmà, ël prof. Giorgio Gnavi,
docent dë Siense Naturaj e espert ëstòrich motoben avusà, a l’ha presentà
“Canavesani che hanno lasciato il segno”. Na vantajin-a ‘d përsonagi stòrich ch’a
l’han lassà soe pianà an Canavèis.
La manifestassion a l’é peui andàita anans con la letura ‘d doi tòch an lenga
piemontèisa: “Ël senté d’Ajè” ch’a part da San Giòrs ‘d fianch al Canal ëd Caluso e a
riva a Ajè. Un senté ch’a compagna da sempe ij sangiorgèis e coj d’Ajè lassandje ant
ël cheur j’arcòrd ëd na vita.
Le scond tòch, d’Angela Bertolino, a l’é titolà “Ël canal e soa ùltima lavandera”.
Un sitadin a podrà magara nen cherdie ma, a Caluso, a-i é ‘ncora na lavandera che,
con soa galiòta a va a lavé patoj ëd soa famija al canal. Na realtà che fin-a a mes
sécol fa a l’era na costuma ‘d tuti ij di. Chissà mai se l’inteligensa artificial a
podrà…un doman lavé ij patoj?
Na farsa còmica a l’ha peui sarà la giornà. Un quart d’ora ch’a conta l’amor un pò
arsëttà ‘d na cobia dròla. “Bon anivërsari…tesòr!” ëd Vitòria Minèt
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Articoli correlati
0
0
