2
0
La nostra (preziosa) collaboratrice e docente di lingua piemontese Vittoria Minetti presenta la poesia Dorin-a di Maria Augusta Giovannini di Ivrea che ha vinto la settima edizione dle consorso ‘Ij Pignatè ‘d Castlamont’
DORIN-A.
Canta Dorin-a, canta,
canta canson ëd granda
scotà ‘ntorn al fornel
con la famija aranda.
Canta për costa cita
ch’at ciama sempe mama
masnà co’j cavèj bianch,
na vira color fiama.
It penten-e pian pian,
con amabil carëssa,
antramentre ch’it cante,
ij brin sensa frëschëssa.
E con toe man robuste
t’àusse ‘l cussin con deuit,
it seulie bin la coerta,
it lòge ‘l taulin da neuit.
Antant ch’it cante it vëdde,
al pòst d’arnosa stansa,
l’eiral andoa, matòta,
it argiojie ant la dansa.
Seugna Dorin-a, seugna,
seugna toa gioventù
an col pais bin leugn
giumai sparì, perdù.
Seugna “tata si mama”
con “sora si fratele”
che minca neuit a t’àuguro
un mond ëd còse bele.
At ten-o companìa
fin ch’a riva matin,
a torno peui ant j’ombre
ëd Cerbero, ël mastin.
Maria Augusta Giovannini di Ivrea
+ There are no comments
Add yours