di Milian Racca

Ël deputà canavsan dla Lega Salvini Premier Alessandro Giglio Vigna a l’ha portà a la Camera, ant ël quader ëd discussion dla lege ‘d bilans n’ordin dël dì ch’a instituis un fons për la tua e valorisassion dël franch-provensal.

Bin…però mi im domando co’ a serva! An efet ël franch-provensal a l’è già tutelà da la lege dël 99, la 482: lege ch’a tutela dcò l’ossitan, ma per ex. pa ‘l piemontèis. Epura a smija che ‘l piemontèis ancheuj, sensa gnun-a tua, a ten-a mej che le autre doe lenghe. An quatr paròle se “tue” a smija ch’a fonsion-o pa vaire (com a dimostra dcò l’irlandèis) …e anlora am piasrìa pròpre savej com a ‘ntendo tutelé ‘l franch-provensal coj dël partì ‘d Vigna.

Tra l’autr st’ann passà ‘l consijé regional Andrea Cane a l’avìa fait aprové na lege për tutelé ‘l piemontèis: as duvìo fesse ij cartej bilenghe e mostré ‘l piemontèis ant le scòle. Ij cartej l’eve vist-je? Chi ch’av ëscriv gnanca un. E a scòla, i l’eve ciamaje a jë scolé s’ a fan cheich lession? 

A le fan tute parej ‘l legi për “tutelé” le lenghe?

Massimo Iaretti

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %