di Vittoria Minetti
La Comun-a ‘d Castlamont, con la colaborassion ëd l’Assessorà a la Coltura, a l’é
con sodisfassion ch’a presenta la premiassion ëd l’edission ch’a fà eut dël Concors
Literari ëd Poesìa e Pròsa Piemontèisa “Ij Pignaté ‘d Castlamont”.
L’event as ten-rà saba, 7 d’otóber, ant ël “Centro Congressi Martinetti” ëd via
Educ 59 a Castlamont, da neuv e mesa a la matin.
Sto concors a l’é nassù, për ten-e ‘n vita e valorisé la coltura piemontèisa.
La partecipassion a l’é sempe bondosa, sgnora ‘d poeta e scritor ëd valor ch’a rivo da
minca part ëd la Region.
Na giurìa motoben qualificà a l’ha giudicà j’euvre e sò giudissi a sarà sensa apel.
A vniran premià ij primi tre classificà ëd tute e doe le session con ëd tòch tìpich ëd
tèra rossa ‘d Castlamont. Tuti ij partessipant al Concors, present al Centro Martinetti
a l’avran na bergamin-a përsonalizà ch’a testimònia sò agiut a lë spantiament ëd la
coltura piemontèisa.
Për confërmé la presensa, a basta mandé na mail a minettivittoria48@gmail.com o
ciamé ‘l nùmer 339 3111056.
Apress a la premiassion, tuti coj ch’a voran sté con nojàutri për un bon disné a
Pranzalì, “Antica Trattoria dij Ciapèj” a basta ch’an lo disa entro merco 4 d’otóber al
nùmer ò a la mail dit ëdzora.
I speroma ‘d vëdd-ve an tanti e i saroma bin content ëd divide costa giornà dedicà a la
coltura piemontèisa con tuti coj ch’a-j veulo bin a nòstr Piemont.

Massimo Iaretti

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %