San Giorgio Canavese, ‘Ridendo con le stelle’ (articolo in lingua piemontese)

Tempo di lettura:1 Minuti, 6 Secondi

di Vittoria Minetti

Saba passà a San Giòrs Canavèis, ant ël teatro Belloc la companìa “I volti anonimi” a
l’ha butà an sena “Ridendo con le stelle”.
Në spetàcol bon a spantié an tut ël pùblich bon-umor e amusament.
Ël pivò ‘d tuta la sèira a l’é concentrasse sla vita a doi: chiel e chila sotlignand
situassion tacabeghe, còmiche, iròniche…fin-a emossionante, antërmesià da canson
ëd Gipo, “Na famija baravantan-a” ‘d Carlo Artuffo, tòch ëd bal portà an sena da na
balarin-a professionista, na cobia ch’a ‘rciamavo ‘l recité ‘d Sandra e Raimondo, e
na cantanta con na vos ch’a l’avìa gnente da invidieje a cola ëd Mina.
Ël cò dla comissità a l’é tocasse con la sumiarìa dla sena dij doi an-namorà sël
“Titanic” e cola final djë “zombi”.
Tuti ‘d pì che ‘n piòta ma, n’euj ëd considerassion, sensa gaveje gnente a j’àutri, a
venta ch’i-j lo daga a chiel, Giancarlo Moia, ch’i conòsso e i stimo da tanti agn. I
chërdo che la companìa a l’abia fàit n’afé con l’angagg dë sto përsonagi.
Tutun, për finì mia ciaciarada, s’i l’eve veuja ‘d feve tant sangh bon për na sèira,
scoteme mi, andé a vëdde “Ridendo con le stelle” dij Volti Anonimi.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Lascia un commento

Apri WhatsApp
1
Chat con Canavesanoedintorni
Benvenuto. Inizia la chat con Canavesanoedintorni