Castlamont, Sij banch dë scòla…con na certa età
A son vintun jë scolé ch’a son presentasse jer për la prima lession dël cors ëd piemontèis
che, mica ann, as ten ant la comun-a ‘d Castlamont.
Vitòria Minèt, la magistra, a mostra la lenga piemontèisa, cola normalizà, cola dij Brandé
tutun sensa vorèj sganfé ij dialèt che, ansema a la lenga, a peulo esse na manera dë spantié
cultura e tradission.
A parte da j’agn sessanta, mersì a la mentalità ‘d quèich cacam, a l’é nassuje la convinsion
che, ël parleje piemontèis a le masnà a l’era sbalià, a ventava parleje italian për nen ch’as
trovèisso peui malsoà cand ch’a comensavo la scòla bassa.
Da col moment-lì a l’é partìe la crosià për baraté ‘l piemontèis con l’italian che, sovens, as
tratava d’italiacan.
“Prendi il mantillo e vieni a giutarmi a prontare tàula!” a-j disìa na mama a soa fija.
La fomna dël maslé, famija sgnora, a butava fòra la testa d’an botega për ciamé sò fieul
ch’a gieugava an piassa ‘nsema a j’àutri: “Giovanni, vieni che la mamma ti dà pane e
persico e te vai a mangiarlo sù per la rampa con le gambe a pendoglioni!”. Un di ch’a
piuvìa che De a la mandava, i l’hai sentù na granda ch’a arprociava sò anvod parèj:
“Piantala-lì di andare dentro ai gògli che ti marsi tutti ij piedi”. As podrìa fene na lista ch’a
finiss mai d’esempi me costi e a podrìa fin-a fé grigné se sta manera ‘d pensé a l’avèissa
nen dëstissà scasi dël tut cola fiama riduta mach pì a ‘n lumin che an tra pòchi, sufiandje
adòss i sërcoma ‘d cissé për fela arvive.
Parlé piemontèis a vorìa dì esse paco, grossé, gent ëd campagna e coj pòchi masnà ch’a lo
parlavo ‘ncora a j’ero tant me ‘d mosche bianche.
Mè seugn a l’é col ëd torna vëdde tanti masnà ch’a gieugo ‘nsema sensa sacociàbij an
man, ch’as coro dapress, ch’a ciacòto e dzortut sensa sgaté ant la ragnà minca man girà.
A peul esse ch’a sia ‘n seugn ma nojàutri ch’i-i cherdoma, i ‘ndoma anans a studié e a
scrive la lenga piemontèisa, për lasseje n’ardità bin bin ësgnora ai giovo dël di d’ancheuj.
Articoli correlati
Nessuna foto correlata.
Altri articoli
Guido Michelone e il Jazz Day Unesco a Vercelli
Su tutto il Pianeta, in circa 180 Paesi, ogni anno si festeggia, grosso modo dal 30 aprile al 6 maggio,...
Pont Canavese, inaugurata la sezione dei Combattenti e reduci
Sabato mattina è stata inaugurata la sezione di Pont Canavese dell'Associazione nazionale combattenti e reduci intitolata alla Regina Elena con...
Visti o Rivisti per voi: ‘Io Capitano’ 7 David di Donatello per il film di Garrone
di Parizia Monzeglio Non facile assegnare le statuette del ‘David di Donatello 2024’ ai film che avevano avuto lenomination. Tanti...
Crescentino, terminato ‘Adotta uno scrittore’ con adesione del Calamandrei
2 Maggio si è concluso il progetto “Adotta uno scrittore”, promosso dal Salone Internazionale del Libro di Torino, che ha...
Letti o Riletti per voi: ‘Temporale’, frammenti di vita nelle tavole di Andrea Ferraris
di Patrizia Monzeglio Non è un romanzo, è un graphic novel. Non è una storia, è il racconto di frammenti...
La Lega del Canavese all’europarlamento con Alessandro Panza
Le sezioni Lega del Canavese hanno compiuto un importante passo nell'ambito delle relazioni europee, con una significativa rappresentanza a Strasburgo,...