Castlamont, l’ùltima lession dël 2022 dij Pignaté
Tempo di lettura:54 Secondi
di Vittoria Minetti
Për saré l’ann, la scòla ‘d piemontèis, ij Pignaté ‘d Castlamont a l’é dasse ‘l pontel ant un
bel ristorant a San Gioann dij Bòsch, “Ël Gòlf”.
Un pòst da sté ambajà, na bombonera an mes al verd e un mangé da bërlichesse ij barbis a
l’han fàit da coron-a a na giornà ‘d festa ch’a l’é slongasse fin-a a singh ore cand ch’a son
tramiasse an cesa për arcordé ij cambrada ch’a son andàit anans. Ël parco, un previòtò
giovo, na vòlta finìa la celebrassion, a l’ha faje lese lòn ch’a l’avìo scrit an sla vìsita ‘d
Papa Cichin an Piemont. Pròpi col di lì ël Papa a l’ha compì otanteses agn e la dédica dij
Pignaté, ant l’ocasion ëd l’anivërsari, a l’ha vorsù esse un pcit cadò che lor a l’han faje.
A l’han peui sarà la giornà e a son an-naviasse vers ca pistand le feuje sëcche, giàune dij
plato cha fan cornis a la piassa e a scrossìo sota ij pass.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
